En Tuluzo, grupo de geesperantistoj progresantoj kaj pli spertaj ekpretigadas teatraĵojn por plibonigi sian regon de la internacia lingvo. Por sia unua elpaŝo tiu grupo eklaboris per la teksto «Rekta Metodo».

Ĉi teksto estas adaptita el franclingva teatraĵo verkita en 1908 de Tristan Bernard tiutempa sukcesa teatroaŭtoro verkanta komediojn. La originala titolo estas «L'anglais tel qu'on le parle» « La angla lingvo sen profesoro» laŭ la traduko de Gaston Moch.
Dua teksto estas « La krimo de la Strato L’Ursin’ » (france : « L’affaire de la rue de Lourcine » verkita en 1857).

La grupo laboras sub gvido de Arno Lagrange, kiu aktivadas en la esperanto-teatro de 25 jaroj komence en TESPA en Parizo kaj poste dum jaroj en «Krizalido», kaj foje ankaŭ en aliaj grupoj («Kallima», «Théâtre de l'épicéa», …). Eĉ se la celo de tiuj grupoj estis profisieca, la prezento de la tuluza grupo estas klare amatora, kelkaj el la partoprenantoj malkovras samtempe la internacian lingvon kaj la teatran arton. La virto de la amatoroj estas ke ili plenumas siajn projektojn kun «amo». Temas do pri jam jarcenta tradicio en esperanto trejniĝi pretigante teatraĵojn (unuaj provoj okazis jam en 1896!!). En Bordozo ni prezentis la «Krimon de la strato l’Ursin’ » premiere. Poste sekvas prezentoj por Zamenhof-festo en Tuluzo kaj aliaj eblecoj montriĝis. La grupo jam pretigis aliajn programojn. La reago de la publiko tre certe estas kuraĝiga por tiuj novaj projektoj.

En 2004 kaj 2005 « TEATRO TRUPO DE TULUZO » prezentis sian kvaran teatraĵon : "Familia Etoso" en la Kataluna Kongreso en Céret, dum Zamenhoffesto en Tuluzo, dum IS en Wetzlar en la Jubilea Kongreso Bulonjo 2005 en KEF en Helsinki kaj en la Universala Kongreso en Vilno en julio 2005, kaj laste en Festo.

La Rekta Metodo	La krimo de Strato Lursin'
Forlasita	Familia Etoso

	De la unua de junio vi estas la -a vizitanto. bonvenon !.
	Lasta ŝanĝo : sabaton la 27-an de aŭgusto 2005 06:33.  Por ĉiaj demandoj aŭ rimarkoj bv retmesaĝi al arno lagrange.)